Kryeministri Edi Rama refuzoi dje këshillat e Komisionerit për Zgjerim Oliver Varhelyi dhe europarlamentarit David Lega për të pritur këshillat nga Komisioni i Venecias lidhur me Kodin Zgjedhor.
Presidenti Ilir Meta i është drejtuar Venecias, ndërsa ka rikthyer në Kuvend ligjin mbi ndryshimet në Kod. Por dekreti i Metës pritet të rrëzohet në seacën e rradhës, ashtu sikundër kanë paralajmëruar drejtues të mazhorancës parlamentare.
Lidhur me këtë situatë, ish-ministri i Drejtësisë, Ylli Manjani, ka thumbuar diplomatët në Tiranë, por edhe institucionet e tyre në vendet përkatëse. Manjani shkruan se ishin ata që legjitimuan çyrykparlamentin.
“Edi Rama ka sot 100% të drejtë që rrefuzon Brukselin Zyrtar.
Për sa kohë që Brukseli dhe Washingtoni zyrtar, së bashku me ambasadat e tyre në Tiranë, shohin ende si “legjitim” çyrykparlamentin tonë, pa numrat e duhur sipas Kushtetutës dhe opozitë politike, Edi Rama ka të drejtë të bëjë çfardo ligji t’i dojë trapi!
Vetë i kanë thënë se Parlamentin monist e ka “legjitim”. Është kaq e thjeshtë.
Tjetër gjë pastaj nëse shqiptarët e pranojnë apo jo dhe përsa kohë, këtë standard të drejtimit të qeverisjes së tyre…”, shkruan Manjani.
