Aktorja dhe modelja e njohur italiane Michelle Hunziker, ka kritikuar Kryeministrin Giuseppe Conte për rregullat e reja të Covid-19, ku do të mbyllen baret dhe restorantet nga ora 6 e pasdites.
Grilat ulen gjithashtu për kinematë, teatrot, palestrat, pishinat, arkadat dhe dyqanet e basteve të cilat do të qëndrojnë të mbyllura deri më 24 nëntor për shkak të shifrave të shtuara të të infektuarve me koronavirus. Në një postim të gjatë në rrjetin social, Michelle bën të ditur se nuk është dakort me këto rregulla strikte.
“Sot u zgjova e menduar… Mendova për të gjithë ata që duhet të mbyllin aktivitetet e tyre … ishte e vështirë t’ia dilnin, por të gjithë ata ngritën mëngët dhe me vendosmëri dhe pa u ankuar, ata filluan të punonin … me një buzëqeshje … e pashë!”
Gjithashtu, ajo përmendi dhe rastin e biznesit të bashkëshortit të saj, Tomaso Trussardi që do të detyrohet të mbyll biznesin. Michelle i bën thirrje qeverisë të bëjë diçka për të gjithë ata që preken nga këto rregulla.
“Unë e kuptoj që menaxhimi i këtij virusi nuk është i lehtë dhe unë gjithashtu e kuptoj që për të mbrojtur shëndetin tone, nuk mund t’i kënaqim të gjithë, por unë gjithashtu kërkoj me forcë që qeveria jonë të mbështesë familjet dhe bizneset në vështirësi në këtë kohë… në përpjekjen për të përmbajtur virusin … megjithatë, ne nuk duhet të vdesim nga uria …”
