Fotot e një burri i cili ishte i veshur me këmishë dhe poshtë i veshur me funde dhe këpucë me taka kanë bërë xhiron e rrjetit së fundmi në mbarë botën. Këto foto prodhuan një lajm në të gjitha mediat botërore dhe për të diskutuar për këtë temë, në emisionin “Ditë e Re”, ishin të ftuara Zhaklin Lekatari dhe psikologia Arjana Muçaj.
“Në shoqërinë shqiptare më mendjehapur janë 40, 50, 60 vjeçarët sesa rinia. Rinia edhe për shkak të faktit se nuk kanë informacione, nuk dinë gjuhë të huaja, nuk bëjnë kërkime ende nuk e kanë formuar indetitetin dhe karakterin e vet.
Grup moshat më të mëdha edhe pse kanë fuqi ekonomike por, edhe kanë mbaruar zhvillimin e tyre dhe janë më të hapur dhe më të prirur gjërat e reja. Ndërsa, moshat e vogla janë shumë më mendërisht të pa hapur dhe të pa përgatitur për ardhjen dhe pranimin e fenomeneve të reja, janë shumë konservatorë të rinjtë.” – tha Zhaklin Lekatari.
