Vetëm një pjesë e popullsisë së Bashkimit Evropian mund të vaksinohet kundër koronavirusit të ri para vitit 2022, nëse ajo do të vihet në dispozicion.
Sipas raportimeve në media, lajmin e bënë të ditur zyrtarët e BE në një takim të brendshëm, ndërsa qeveritë mbeten të ndara në planet e vaksinimit.
Paralajmërimi vjen përkundër faktit se blloku prej 27 vendesh, me një popullsi prej 450 milion banorë, ka siguruar më shumë se 1 miliard doza të vaksinave potenciale të COVID-19 nga tre prodhues të ilaçeve.
Ndërkohë BE është duke negociuar rezervimin e një miliardi tjetër me vaksina nga kompani të tjera.
Ndërsa vendet përshpejtojnë një përplasje globale për të siguruar vaksinën, ekspertët paralajmërojnë që jo çdo vaksinë e mundshme mund të jetë efektive.
“Nuk do të ketë doza të mjaftueshme të vaksinave COVID-19 për të gjithë popullsinë para fundit të 2021”, u tha një zyrtar i Komisionit Evropian diplomatëve të shteteve të BE në një takim me dyer të mbyllura të hënën.
