Kryetarja e LSI-së, Monika Kryemadhi, është pyetur sot nga mediat gjatë një konference shtypi, lidhur me akuzat drejtuar LSI-së dhe asaj vetë, nga kryebashkiaku i Tiranës Erion Veliaj.
Kryetarja e LSI-së tha se Monika Kryemadhi e ka deklaruar vilën e Lalzit, po ngriti pyetjen nëse “lali Eri” i kishte deklaruar pronat e veta dhe a do të deklarohet për banorët e Kombinatit, në do t’i marrin shtëpitë.
“Sot më shumë se kushdo tjetër, diferenca midis LSI-së dhe Rilindjes është shumë e madhe dhe mjafton që të pyesni shqiptarët që për të marrë një leje në bashki duhet të paguajnë 8% të shitjes për metër katror, një tjetër përqindje për banesat sociale dhe pastaj të mos flasim për inceneratorin ose më saktë, ato gropat e plehrave që kanë ndërtuar që çdo ndërtues duhet të paguajë miliona euro tek një kompani fantazëm që ka lidhje me “lali Erin” dhe apo ndonjë tjetër.
Dua të theksoj se kostoja e ndërtimit për një apartament është trefishuar e katërfishuar për shkak të trafikut të drogës dhe pastrimit të parave apo se kompani të tjera me inxhinierë, që kanë pasur një CV në ndërtim, janë zhdukur nga tregu se kanë në hyrë në treg njerëz të ardhur nga emigracioni me shuma parash të jashtëzakonshme. Edhe në fushat e sportit të shkollës “Servete Maçi” janë ndërtuar pallate.
Nuk duhet të kemi frikë nga njerëz që thonë të vërtetën, por nga ata që gënjejnë nga mëngjesi në darkë. Nuk di njeri të ketë thënë na ka gënjyer Monika, kurse kur erdhi “lali Eri”, tha nuk do të jap leje ndërtimi, kurse tani ka dhënë dhe në lulishte dhe po vazhdon në rrethina duke filluar nga Kombinati”, tha Kryemadhi.
