Shpenzimet me inceneratorët nxorën sërish këtë të shtunë në deklaratë për mediat nënkryetarin e LSI-së, Petrit Vasili.
Vasili deklaroi se në cilësinë e Ministrit të Drejtësisë, kishte konstatuar që në mars 2017 që inceneratori i Fierit është një mashtrim për të vjedhur dhjetëra milionë euro.
Për këtë ai publikoi edhe dokumentin autentik ku ai ju drejtohej këshilltarëve bashkiakë të Bashkisë Fier, të cilët ngrinin shqetësime të mëdha dhe përcillnin dhe njëherë edhe peticionin e 1200 banorëve të Mbrostarit, lidhur me incerenatorin që ndodhet atje.
“Skandali me inceneratorin e Fierit është galopant”, tha ia, duke i parashtruar edhe disa pyetje Prokurorisë së Posoçme se çfarë e pengon atë të mos nisë hetimet për këtë skandal që po vjedh shqiptarët.
“Po ju bëjmë publik sot një tjetër dokument të viteve më parë, pikërisht të 31 marsit 2017, me të cilin i jemi drejtuar, unë personalisht në cilësinë e Ministrit të Drejtësisë, këshilltarëve bashkiakë të Bashkisë Fier, të cilët ngrinin shqetësime të mëdha dhe përcillnin dhe njëherë edhe peticionin e 1200 banorëve të Mbrostarit, lidhur me incerenatorin që ndodhet atje. Do ju lutesha të shikonit këtë dokument në plan të parë, i cili flet vetë, është një dokument autentik me vulë dhe me firmë, me numër protokolli 2202 i 3 marsit, firmosur nga unë në cilësinë e Ministrit të Drejtësisë. Po ç’është kjo shpejtësi e breshkës e SPAK, i cili vepron kaq avash për të gjallët ku faktet e të cilave nuk janë më vetëm dosjet e SPAK por janë dosjet e të gjithëve. Janë në mendjen e qytetarëve, në sytë e tyre, janë në të gjitha arkivat e mediave shqiptare, pra është një problem që bucet dhe bubullon. Kush ja mban dorën SPAK-ut”
