Paloka publikon videon e Veliajt: I shpëtoi goja, tregoi planin e shefit për zgjedhjet

Nënkryetari i Partisë Demokratike, Edi Paloka ka publikuar një deklaratë të kryebashkiakut të Tiranës, duke u shprehur Erion Veliaj po nxjerr zbuluar “planin e shefit për ‘partitë e djathta’ që do krijohen”.

“Ne e kemi këtë betejë shumë të rëndësishme. Është hera e parë që PS futet në betejë e bashkuar. Ku nuk del dot asnjë parti tjetër për të sfiduar Partinë Socialiste të Shqipërisë. Kjo është hera e parë që pala tjetër del e përçarë në pesë parti. Do ti numëroni gjatë ditëve që vijnë do ti numëroni. Imagjinoni nuk bëjnë dot zap shtëpinë e tyre, jo më të qeverisin shtëpitë tona”, shprehet Veliaj.

LEXO EDHE  Mediu: Edi Rama do të bëjë ç’është e mundur për të vjedhur sërish zgjedhjet

Sipas Palokës, ato që do krijohen nuk janë parti të dala nga PD, por janë parti që kryeministri Edi Rama, i ka krijuar i tmerruar nga humbja.

“Degjojeni vemjen si i shpeton goja dhe nxjerr zbuluar planin e shefit per ‘partite e djathta qe do krijohen…Nuk janë parti të dala nga PD, janë parti që i ka krijuar Rama i tmerruar nga humbja! Pleh ky e pleh ata qe vihen ne sherbim te ketij…Ne nje kosh do perfundojne”, shkruan Paloka bashkangjitur videos.