Real Madrid ka arritur të dalë triumfuese në “El Clasico” përballë Barcelonës. “Los Blancos” fituan me rezultatin 1-3, duke marrë 3 pikë shumë të rëndësishme në “Camp Nou”.
Pjesa e parë u karakterizua nga një lojë e barabartë midis ekipeve, megjithëse skuadra e drejtuar nga Zidane ishte më e qartë. Sfida u zhbllokua në minutën e 5-të nga ana e Federico Valverde.
Reagimi i vendasve ishte i shpejtë, teksa vetëm 4 minuta më vonë, ishte Ansu Fati ai që riktheu baraspeshën për Barcelonën.
Ndërkohë në 45 minutat e dyta, Real Madrid dominoi gjithçka, teksa nuk i lejoi kundërshtarët të godisnin asnjëherë në portën e tyre. Goli i avantazhit erdhi në minutën e 62-të pas një 11-metërshi të fituar dhe kthyer në gol nga kapiteni, Sergio Ramos.
Goli që vendosi dhe shifrat përfundimtare në 1-3 u shënua nga Luka Modric në minutën e 90-të.
Humbja e dytë radhazi për Barcelonën në kampionat, ndërkohë që Real Madrid tashmë merr kreun e renditjes në kuotën e 13 pikëve.
Golat dhe momentet kryesore të ndeshjes
