Kryeministri Edi Rama ka reaguar pas kërkesës së grave naftëtare në Ballsh, të cilat kërkuan një zgjidhje, ndërkohë që gjendja e tyre shëndetësore vijon të përkeqësohet.
Në një postim në rrjetet sociale, Rama iu bën thirje grevisteve të dalin nga greva, ndërsa premton se do të shkojë ai personalisht tek ato.
“Unë jo vetëm nuk po hesht por po përsëris çdo ditë: Ndalni grevën dhe ulemi diskutojmë për hallin tuaj! Nuk ka negociata me presione e me ultimatume në një familje, po ka qarje halli me logjikë e me zemër të hapur! E thjeshtë:Dilni nga greva dhe do vij unë vetë tek ju menjëherë”, shkruan Rama.
Ndërkohë gjendja shëndetësore e grave greviste është rënduar, ndërsa ata kanë kërkuar nga Kryeministri zgjidhjen për kërkesat e tyre dhe jo reagime në rrjetet sociale.
