Presidenti Ilir Meta ktheu sot për rishqyrtim në Kuvend, Kodin Zgjedhor, i miratuar rreth 3 javë më parë nga Parlamenti me votat e PS-së dhe disa deputetëve që janë vetëshpallur si opozita parlamentare.
Meta ka renditur arsyet ligjore dhe Kushtetuese që e kanë detyruar në një qëndrim të tillë, ndërsa i ka kërkuar Parlamentit të reflektojë.
Por në një reagim, Taulant Balla, Kryetar i Grupit Parlamentar socialist, u shpreh se dekreti i Presidentit do të rrëzohet dhe Kodi Zgjedhor do të hyjë në fuqi. Balla edhe më parë ka paralajmëruar një qëndrim të tillë.
