Greva e naftëtarëve/ Malaj jep 5 këshilla për zgjidhjen e situatës

Ish-ministri i Financave në qeveritë socialiste, Arben Malaj, aktualisht i angazhuar pranë PAA-së, ka reaguar lidhur me grevën e naftëtarëve të Ballshit, që kërkojnë pagat e prapambetura. Malaj ka renditur 5 hapat për zgjidhjen e kërkesave, ndërsa akuzon qeverinë Rama si përgjegjëse ligjore dhe fajtore për situatën e krijuar.

Nga Arben Malaj

5 hapa për zgjidhjen e kërkesave ligjore të naftëtarëve. Qeveria Rama është fajtore dhe përgjegjëse ligjore, sepse nuk ka zbatuar ligjin për pagimin e detyrimeve dhe radhën e pagesave per sigurimet shoqerore.

1.Identifikoni përgjegjësit ligjore qe nuk kane nxjerre urdhrin e bllokimit sapo ka filluar mos pagimi i pagave dhe sigurimeve shoqërore. Ata që nuk kanë nxjer urdhërin e bllokimit dhe aktivizimin menjeherë të përmbarimit nuk janë punonjës të thjeshtë, janë qeveritarë ne shërbim te oligarkëve dhe për arsye korruptive.

2.Identifikoni në çdo nivel të pagesave nga thesari kush ka shkelur radhën e pagesave duke lejuar oligarkët të punojnë duke mos paguar pagat dhe sigurimet shoqërore.

LEXO EDHE  "8 mln dollarë për 600 metra riparim rruge", Këlliçi-Veliajt: Bjeri me top

3.Identifikoni nga kontabiliteti i kompanisë kush ka përfituar pagesa jashtë radhës së pagesave ku pagimi i sigurimeve shoqërore është i pari. Verifikoni librat e arkës dhe të bankës të kompanisë, për të identifikuar pagesat në shkelje te radhës së pagesave.

4.Kerkoni rivendosje në radhë të pagesave jashtë radhës për tatimet, për doganat, për kompanitë private furnitore, për individët që kanë përfituar, duke arkëtuar shumat e nevojshme për pagimin e pagave dhe sigurimeve shoqërore.

5.Me këto anullime të pagesave jashtë rradhës për institucionet publike dhe kompanite private kryeni
pagesat e pagave dhe sigurimeve shoqërore për naftëtarët. Në këtë vjedhje të pagave dhe sigurimeve shoqërore ku ka risqe të mëdha për korrupsion dhe vjedhje nga pronarët jo sipërfaqësorë, vërteton qeveria Rama me veprim ose mos veprim të jetë fajtore ligjore.