Duke filluar nga ora 16:00 e së shtunës, Real Madrid dhe Barcelona do të luajnë Klasiken e tyre të 38-të që nga viti 2010. Dy klubet më të fuqishme të LaLiga, do përballen përsëri, dhe në Camp Nou do të jetë një ndeshje e një rëndësie të madhe për të dy ekipet.
Takimi i parë nga 38 në total gjatë kësaj periudhe erdhi më 10 prill 2010. 21 prej tyre kanë qenë ndeshje të vlefshme për La Ligën, tetë në Copa de Rey, dy në Ligën e Kampionëve dhe gjashtë në Superkupën e Spanjës.
Ka pasur ndeshje historike, duke filluar nga ‘Manita’ në Camp Nou, deri në finalen e Copa del Rey, në të cilën Cristiano Ronaldo shënoi një goditje mahnitëse me kokë. Një javë pas asaj finale, Lionel Messi shënoi dy herë në “Santiago Bernabeu” duke i dhënë fitoren skuadrës së tij në Ligën e Kampioneve.
Në mënyrë të ngjashme, Cristiano heshti “Camp Nou”, duke bërë që turma prej më shumë se 95 mijë personash në stadium të binte në qetësi të plotë. Ajo fitore i drejtoi “Los Blancos” drejt titullit në vitin 2012.
Në 10 vitet e fundit, skuadrat kanë ndërruar nga shtatë trajnerë. Në krye të Real Madrid janë ulur Manuel Pellegrini, Jose Mourinho, Carlo Ancelotti, Rafael Benitez, Zinedine Zidane, Julen Lopetegui dhe Santiago Solari. Nga ana tjetër për Barcelonën që nga vitit 2010 e deri më sot, trajnerët që kanë stërvitur skuadrën janë, Pep Guardiola, Tito Vilanova, Jordi Roura, Tata Martino, Luis Enrique, Ernesto Valverde dhe Quique Setien.
Barcelona mund të mburret me rekordin më të mirë që nga viti 2010 . Ata kanë fituar 16 herë krahasuar me 11 të Real Madrid, ndërsa 10 nga ndeshjet kanë përfunduar në barazim. Katalanasit shijuan një gjeneratë të artë të përbërë nga Messi, Xavi Hernandez, Andres Iniesta, Neymar, Suarez dhe Carles Puyol, ndonëse Madridi kishte emrat e tyre të mëdhenj si Cristiano, Sergio Ramos, Iker Casillas, Luka Modric dhe Karim Benzema.
Barcelona kryeson edhe në golat e shënuar. Në këto ndeshje në total janë shënuar 118 gola teksa 67 janë shënuar nga katalanasit, ndërsa “Los Blancos” kanë shënuar 51 herë. Messi kryeson renditjen me 19 gola, i ndjekur nga Cristiano Ronaldo me 18 dhe Luis Suarez me 11.
