Kourtney Kardashian dhe Scott Disick janë një ndër çiftet më të komentuar në showbiz. Ata i kanë dhënë fund martesës së tyre që në vitin 2015, mirëpo kanë ruajtur marrëdhënie të mira për hir të fëmijëve që kanë së bashku dhe mund të thuhet se ata janë shokët më të mirë të njëri-tjetrit.
Për më tepër, marrëdhënia e tyre është aq e lirshme sa Kourtney ia lejon ish-bashkëshortit komentet me humor duke i nxjerrur kështu edhe “të palarat”.
Në njërin prej postimeve të fundit në Instagram, Kourtney ka shkruar krahas pozës së saj një pjesë të këngës “WAP” nga Cardi B dhe Megan Thee Stallion.
“Unë nuk gatuaj, unë nuk pastroj”, janë fjalët në foto për të cilat s’ka vonuar edhe komenti i Disick ku shkruan: “Kjo është e sigurt”, duke lënë të kuptohet se e njeh mirë ish-partneren e tij.
