Kreu demokrat, Lulzim Basha, ka reaguar ndaj deklaratës së Kryeministrit Edi Rama, i cili tha se nëse zgjedhjet do të bëheshin këtë të dielë, opozita do të dilte më keq se zgjedhjet e 2017.
Në reagimin e tij, Basha tha që edhe do të donte që zgjedhjet të ishin të dielën, ndërsa e cilësoi Ramën gënjeshtar dhe nën panik.
“Do doja të ishin të dielën, asgjë nuk do të na ndalojë që çdo qindarkë, që kjo bandë e babëzitur vjedh, ta marrim e ta rikthejmë në çdo xhep të shqiptarëve.
Edi Rama ka mbaruar, sa më shpejt aq më mirë. Opozita do t’i fitojë thellë zgjedhjet”, tha Basha.
