Katy Perry dhe Orlando Bloom shpërngulen në rezidencën përrallore me vlerë 14.2 milion dollarë (Foto)

Këngëtarja Katy Perry dhe Orlando Bloom kanë mirëpritur fëmijën e tyre të parë së bashku, një vajzë që e kanë pagëzuar me emrin Daisy Dove Bloom.

Vajza e çiftit erdhi në jetë me 26 gusht, duke e bërë Perry-në nënë për herë të parë dhe Flynn 9-vjeç vëlla të madh. Ky është djali i vetëm i Bloom me ish-gruan Miranda Kerr.

Tashmë që familja është zgjeruar, Katy dhe Orlando kanë marrë një vendim të rëndësishëm, duke u shpërngulur në një shtëpi fantastike me hapësirë të bollshme. Ata kanë nisur një jetë të re në kompleksin Montecito, i cili ka pamje nga Oqeani Paqësor.

Rezidenca ndodhet në zonën e pasur të Kalifornias dhe i ka kushtuar çiftit 14.2 milion dollarë dhe përfshin një sipërfaqe toke prej 8.9 hektarësh. Vizitorët mund të hyjnë në shtëpi përmes një rruge të gjatë me dru lisi.