Dr. Anthony Fauci, ndër më të njohurit në botë sa i përket këshillave për koronavirusin, duket se e ka zhgënjyer Presidentin Donald Trump.
Trump gati sa nuk e shkarkoi sot Faucin, duke thënë se njerëzit janë lodhur duke dëgjuar për pandeminë vdekjeprurëse, e cila ka vrarë më shumë se 215,000 amerikanë. Trump e konsideron atë si një “katastrofë” përreth “500 vjet”.
Duke iu referuar Faucit dhe zyrtarëve të tjerë të shëndetit si “idiotë”, Trump thotë se është i gatshëm për të lëvizur nga katastrofa shëndetësore, edhe pse rastet po rriten përsëri dhe ekspertët mjekësorë paralajmërojnë se më e keqja mund të jetë në të ardhmen.
Sipas tij, nëse do të dëgjonte Faucin, më shumë se gjysmë milioni njerëz do të kishin vdekur në Shtetet e Bashkuara. Trump portretizoi rekomandimet e ofruara nga administrata e tij për të zbutur përhapjen e sëmundjes.
“Njerëzit janë lodhur nga Covid. Unë kam tubime të mëdha,” tha Trump, duke kryer një telefonatë me stafin e fushatës nga hoteli i tij me emër në Las Vegas, ku ai kaloi dy net. “Njerëzit janë duke thënë gjithçka. Thjesht na lini rehat. Ata janë lodhur nga kjo. Njerëzit janë lodhur duke dëgjuar Faucin dhe gjithë këta idiotë.”
Nuk dihet vendimi që do marrë Trump, por zemërata e tij ndaj Faucit duket e madhe. Tonet e ashpra dhe etiketimi si idiot, tregojnë se Fauci është i ‘rrezikuar’ për t’u larguar.
