Presidenti Ilir Meta u shpreh sot gjatë konferencës për mediat se mbrojtja e Kushtetutës nuk është territor i askujt, por detyrë e parë e Presidentit të Republikës.
Madje Meta e konsideroi veten si ushtarin e parë të Republikës.
“Duhet ta dijë kushdo. Ka ardhur koha për të verifikuar ndershmërinë dhe patriotizmin e çdo qytetari. Le ta dijnë edhe armiqtë e Shqipërisë se do ta marrin përgjigjen atje ku nuk i shkon mendja.
Boll i futën duart e zeza këtu për të na bërë një vend gazi i botës!
Atij zotërisë i them përpiqu të bësh aq sa bëri Izetbekoviç kur e morën peng.
Thuaj popullit tënd që jam peng dhe vazhdo punën tënde. Sepse nën këtë qiell e mbi këtë tokë nuk e merr më askush peng”, u shpreh Meta.
