Kryeministri Edi Rama ka publikuar në faqen e tij në facebook një video të kancelares Merkel, teksa flet për pandeminë COVID-19, dhe u lutet shqiptarëve që ta dëgjojnë.
Në videon e postuar nga Rama, kancelarja i drejtohet popullit gjerman ku flet për rrezikun që na kanoset nga COVID-19, pas shpërthimit të infeksioneve ditore.
Që këtë javë po bëhet e qartë, se kemi arritur në “një fazë serioze të pandemisë”, tha Merkel. “Ditë për ditë po rritet shpejt numri i infektimeve të reja. Pandemia po përhapet me shpejtësi, më shpejt se në fillim, para një gjysmë viti.”, shpjegon Merkel.
Në video-mesazhin e saj javor kancelarja Merkel thekson, se jemi në një fazë shumë serioze të pandemisë dhe se këto ditë e javë vendosin si do të jetë ky dimër.
“Pas një vere krahasimisht të relaksuar, para nesh qëndrojnë muaj të vështirë”, tha Merkel. Tani duhet bërë gjithçka që virusi të mos përhapet në mënyrë të pakontrolluar.
