Policia në Durrës arrestoi në kushtet e flagrancës një shtetas që posedonte dhe shpërndante lëndë narkotike, ndërsa një tjetër u shpall në kërkim.
Sipas policisë janë sekuestruar doza me lëndë narkotike heroinë.
Sipas një njoftimi zyrtar, i arrestuari është shtetasi J. I., 39 vjeç, si dhe u bë shpallja në kërkim e shtetasit A. V., 30 vjeç, të dy banues në Durrës.
Në afërsi të një lokali në rrugën “Aleksandër Goga” shtetasi J. I., është kapur në flagrancë nga shërbimet e Policisë duke tentuar të heqë lëndën narkotike prej 12 porcionesh e llojit heroinë, në vëndin ku ishte fshehur nga shtetasi A. V.
Në cilësinë e provës materiale u sekuestruan 12 porcione lëndë narkotike e dyshuar heroinë dhe 1 aparatë celularë.
Materialet i kaluan Prokurorisë së Rrethit Gjyqësor Durrës për veprën penale “Prodhim dhe shitja e narkotikëve” kryer në bashkëpunim.
