Koronavirusi duket se po rikthehet sërish në të gjithë botën, ndërsa pritet që të ketë kufizime për të ndaluar valën e dytë. Së fundmi është zbuluar një simptomë e re është raportuar zyrtarisht në British Medical Journal.
Ekspertët në University College London dokumentuan rastin e një 45-vjeçari me astmë, i cili u fut në kujdesin intensiv dhe u vendos në ventilim, ndërsa trajtohej me remdesivir dhe asteroide intravenoze.
Një javë pasi gjendja e tij u përmirësua dhe doli nga kujdesi intensiv, shfaqi probleme me veshët. Fillimisht dëgjonte tingull kumbues dhe më pas pësoi humbje të dëgjimit në veshin e majtë.
Kujtojmë se Organizata Botërore e Shëndetësisë (OBSH) ka deklaruar se ilaçet remdesivir, hidroksiklorinë, lopinavir/ritonavir dhe produktet e interferonit kanë pak ose aspak rezultate në luftimin e sëmundjes COVID-19, që e shkakton koronavirusi i ri.
Mbetet ende e paqartë nëse problemin në vesh ia ka shkaktuar sëmundja virale apo trajtimin me remdisivir. Remdesiviri – një ilaç i zhvilluar nga kompania farmaceutike amerikane Gilead Sciences – është një nga ilaçet e para që u përdor për të trajtuar sëmundjen COVID-19.
Ky ilaç përdoret kryesisht për trajtimin e hepatitit C dhe virusit sincicial të frymëmarrjes. Gjithashtu, janë bërë disa studime për efektin e tij në trajtimin e sëmundjes së Ebolas, por nuk ka treguar efikasitet.
Këto rezultate për efektivitetin ndaj sëmundjes COVID-19 duhet të kalojnë kontrolle shtesë të ekspertëve. Një studim për efektivitetin e këtyre barnave u krye në 405 spitale në 30 vende dhe përfshiu 11,266 pacientë.
Përafërsisht 2,750 njerëz morën remdesivir, 954 hidroksiklorinë, 1,411 lopinavir, 651 interferon bashkë me lopinavir, 1,412 vetëm interferon dhe 4,088 nuk morën asnjë nga ilaçet e studimit.
