Greqia regjistron shifra rekord të prekurish nga Covid-19, shkon në 500 numri i të vdekurve

Greqia ka raportuar vdekjen e saj të 500-të nga koronavirusi, si dhe rastet e dyta më të larta ditore të sëmundjes pas rekordit të së Premtes.

Autoritetet shëndetësore raportuan 482 raste të reja të Shtunën, si dhe 10 vdekje, një ditë pasi regjistruan një rekord 508 raste të reja.

Numri i përgjithshëm i rasteve të konfirmuara të koronavirusit që nga fillimi i pandemisë është tani 24,932, me 500 vdekje.

Autoritetet vunë në dukje shkeljet në distancën shoqërore në bare dhe festa në natyrë dhe shtuan se rreziku i transmetimit do të rritet vetëm në mot më të freskët. I pyetur në lidhje me një kthim në normalitetin para-pandemik, një epidemiolog që këshillon Ministrinë e Shëndetësisë tha se “një përmirësim në jetën tonë të përditshme” do të ndodhë vetëm 7-8 muaj pas futjes së një vaksine, nëse rezulton efektive.

LEXO EDHE  Lubonja: Arsyet pse kush krijon parti para zgjedhjeve është i blerë nga Rama