Prokurorët francezë kanë ngritur një akuzë të katërt kundër ish-presidentit Nicolas Sarkozy për gjoja pranimin e parave nga Libia për të financuar fushatën e tij presidenciale në 2007.
Pas katër ditësh pyetje ai hodhi poshtë të gjitha akuzat. Ai gjithashtu u mor në pyetje vitin e kaluar.
Sarkozy u akuzua në 2018 për korrupsion, financim të paligjshëm të fushatës dhe përfitim nga fondet publike të përvetësuara.
Në janar gjykatësit vendosën gjithashtu një ish ndihmës të Sarkozy, Thierry Gaubert, nën hetim zyrtar.
Prokurorët dyshojnë se Sarkozy dhe disa bashkëpunëtorë morën miliona euro nga regjimi i Kolonelit të ndjerë Muammar Gaddafi për të ndihmuar fushatën e tij zgjedhore. Ai shërbeu si president nga 2007 në 2012.
“Pafajësia ime shkelet edhe një herë nga një vendim që nuk paraqet fare prova të ndonjë financimi të paligjshëm,” shkroi Sarkozy në Facebook.
Ish-presidenti francez, thuhet se ka pranuar të paktën 42 milionë paundë nga diktatori i ndjerë, që besohet se janë pastruar përmes llogarive bankare në Panama dhe Zvicër.
Politikani konservator 65-vjeçar reagoi ndaj goditjes së fundit ligjore kundër tij, duke thënë: “Francezët duhet ta dinë që unë jam i pafajshëm për atë që akuzohem. Padrejtësia nuk do të fitojë”.
Në fillim të kësaj jave, gruaja e Sarkozy, ish-supermodelja Carla Bruni, 52 vjeç, u shfaq në TV Britanik duke shfaqur dashurinë e saj për të.
Sarkozy tani mund të përballet me një gjyq penal mbi paratë e Gaddafit.
Brenda disa muajve nga zgjedhja e tij, Sarkozy ftoi Muammar Gaddafin në Paris për një vizitë shtetërore dhe e vlerësoi atë si një mik të madh dhe ‘Udhëheqës Vllazëror’’.
