Presidenti i vendit, Ilir Meta vlerësoi Emiljano Lule, në kuadër të emrave të spikatur të komunitetit të personave që nuk shikojnë.
“Për ndihmën e jashtëzakonshme të dhënë, jo vetëm për përmirësimin e jetës së mijëra anëtarëve të këtij komuniteti, por veçanërisht për zhvillimin e artit dhe kulturës, duke u shndërruar në shembuj të shkëlqyer frymëzimi dhe force për të gjithë shoqërinë.”- shkruan Meta në postimin e tij teksa ka dekoruar dy shtetasit, z.Kliton Giliani dhe z.Emiliano Lule.
Së fundmi, këngëtarja Elvana Gjata ka postuar një foto të Emilianos në Instastory dhe krahas saj shkruan se ndihet krenare për dekorimin e tij.
“Ah sa krenare jam për ty Emiliano. Unë e njoh shpirtin tënd dhe jam dëshmitar ndaj kontributit tënd të jashtëzakonshëm ndaj njerëzve që nuk shikojnë. Urime për këtë medalje të plot merituar. A true role model!”- shkruan Gjata.
