Historiani dhe gazetari, Nuri Dragoi ka humbur jetën nga Covid-19. I infektuar prej disa javësh, Dragoi nuk ka mundur dot të mbijetojë.
Lajmi i trishtë konfirmohet nga postimi i ndjerë i gazetares Eglantina Alliaj.
“Në një betejë dyjavore me këtë virus të mallkuar që po merr shumë jetë njerëzish, ti humbe miku ynë, bashkëpunor i mirë, studiues dhe publicist i njohur, Nuri Dragoi! Çfarë dhimbje për familjen tënde, për miqtë, bashkëpunëtorët dhe dashamirësit e ty. Pena jote do ti mungojë studimeve, historisë dhe rrënjëve shqiptare, ashtu sikur ti dije ta gdhendje në letër. I paharrruar qoftë kujtimi yt! Qofsh i parajsës!”, shkruan Alliaj në “FB”.
Redaksia e “BoldNews.al” shpreh ngushëllime për ndarjen nga jeta të gazetarit.
