Deputetja demokrate Jorida Tabaku ka reaguar pas shifrave të publikuara nga kryeministri Edi Rama, i cili rrekej të bënte një krahasim të borxhit publik e investimeve mes periudhës kur vendi qeverisej nga PD dhe tani që qeveris PS.
Por duket se llogaritja e Ramës çalon.
Në një reagim, Tabaku shprehet se kur çdo gjë që shkruhet në zyrën e propagandës e ka për bazë gënjeshtrën nuk mund t’u thuash shqiptarëve të vërtetën.
“Vetëm për një gënjeshtar mund të jetë 60 më e madhe se sa 70. Kur bëhet fjalë për të bërë llogaritë e tyre për paratë që fusin në xhep nga taksat e shqiptarëve, nuk bëjnë gabime por kur flasin për shqiptarët i bëjnë gabimet me qëllim për të mashtruar. Borxhi real që kanë sot shqiptarët përfshirë edhe vlerën e detyrimeve të prapambetura dhe PPP-të është 97% e e PBB-së pra 13 mld euro. Moto e qeverisë dhe veçanërisht kryetarit të saj është e qartë ‘Rro për te vjedhur! Rro për të mashtruar!’”, shkruan ajo në një postim në rrjetet sociale.
Edhe eksperti i ekonomisë, Pano Soko, vë në dukje gafën me shifrat.
“Tani e kuptova pse kur vendi po shkon gropë, Qeveria thotë që kemi rritje ekonomike. Sepse në Qeveri e dinë që 60-a është më e madhe se 70-a.. 7×7 në versionin Rilindas..”, shkruan Soko në FB.
