Mazhorancës dhe opozita përdorin shifra të ndryshme kur vjen fjala për të paraqitur arritjet e njërës palë dhe dështimet e tjetrës. Kryeministri Edi Rama në një postim në FB, u shpreh se borxhi publik gjatë periduhës qe vendi qeverisej nga PD, 2006-2013, ishte 60 miliardë lekë, ndërsa në periudhën 2014-2020 – 46 miliardë Lekë.
Ndërkohë, Dorian Teliti nga Partia Demokratike shprehet se gjatë periudhës 2006-2013, borxhi publik u rrit me vetem 10% të PBB-së (përfshirë detyrimet e prapambetura), me të cilat u ndërtuan dhjetëra spitale, qindra shkolla, mijëra km akse rrugore, përfshirë këtu rrugën e kombit. 2006-2013 ulëm taksat dhe rritëm pagat e pensionet, shton.
“Ndërsa në periudhën 2014-2020, thotë Teliti, borxhi u rrit me 29% të PBB-së (përfshirë detyrime të prapambetura dhe PPP) dhe i vetmi investim i plotë i kryer është bypass Fier prej 22 km. Familjet shqiptare sot kanë një borxh 50% më të lartë sesa 7 vite më parë”.
“Borxhin publik e rritet ju dhe e përdorët për koncesione klienteliste, tendera pa gare, lukse zyrash e udhëtime me charter. Jeni ju që rritet taksat me 2.1 miliardë euro në 7 vite dhe braktisët ekonominë edhe në kohë pandemie”, vijon ai.
