Janë mbyllur 45 minutat e para të takimit Lituani-Shqipëri e vlefshme për Ligën e Kombeve.
Kuqezinjtë e drejtuar nga Edy Reja, janë treguar më kërkues dhe më të vendosur në fushën e lojës.
Momenti më kritik i pjesë së parë, ishte ai i minutës së 24-t kur mbrojtësi i Lituanisë prek dukshëm topin me dorë brenda zonës. Kombëtarja jonë kërkon 11-metërsh, por nuk mendon kështu gjyqtari. Nga protestat e shumta gjyqtari ndëshkon me të verdhë Qazim Laçi-n i cili humbet kështu takimin e radhës.
Një rast të mirë shënimi e pati edhe Taulant Seferi. Në minutën e 38’ mesfushori provoi me një goditje fluturimthi, por portieri vendas bëri mrekullinë duke i mohuar golin kombëtares shqiptare.
