Dalin detaje të reja nga operacioni në Durrës. Mësohet se nëpërmjet dokumenteve të falsifikuara, Mustafa Koka, dhe me ndihmën e zyrtarëve të ARRSH-së, të cilët thonë burimet kanë shpërdoruar detyrën, ka prishur barrierën mbajtëse të rrugës, duke krijuar hyrje-dalje në rrugën kryesore të paligjshme.
Ky veprim është kryer me argumentin se sipërfaqja e tokës ku është ndërtuar rruga, vijonte të ishte e biznesmenit Mustafa Koka, kur në fakt nga verifikimi i dokumentacionit, ky i fundit rezultonte të ishte shpronësuar nga ARRSH-ja, disa vite më parë.
Mustafa Koka është shpronësuar me 200 mln lekë për sipërfaqen e truallit ku ka ndërtuar karburantin, pasi sipërfaqen e truallit e kapte plani për zgjerimin e rrugës.
