Epidemiologu Ilir Alimehmeti, deklaroi në emisionin “Open” se problemi më i madh nuk është mosmbajtja e maskës, por mungesa e distancimit fizik.
Epidemiologu u shpreh se sipas studimeve maska ka efektivitet në ambientet e mbyllura, por kjo nuk faktohet për ambientet e hapura.
“Është diskutim shumë i gjërë. Është dokument i shkruar me shumë kujdes. Ka prova se maska bllokon koronavirusin. Tek personeli shëndetësor, maska ka funksionuar. Problemi është sesi do përdoret maska nga njerëzit. Varet shumë edhe nga lloji i tekstilit. Ka edhe një etiketë të tregojë sa herë mund të përdoret maska, a mund të lahet.
I vetmi studim zyrtar i bërë së fundmi tregon se në komunitet maska nuk përbën dallim mes atyre që u infektuan ose jo. Distanca është pikë kyçe, jo maska.
Mosmbajtja e distancës është më e rrezikshme se mosmbajtja e maskës. Në fuqi mbetet ideja se maska nuk ka efektivitet në komunitet. Në ambientet e mbyllura ka efektivitet. Kjo është masë plotësuese”, tha Ilir Alimehmeti.
