Ministrja e Shëndetësisë, Ogerta Manastirliu, e ftuar në ‘Opinion’ tha se çdo pandemi të përball me shumë të papritura. Ajo u pyet edhe për deklaratat e ndryshme të kryeministrit Rama, ku ky i fundit herë thoshte mos mbani maskë, ndërsa së fundi deklaroi se maskat do të mbahen me detyrim, si një parandalim i përhapjes së Covid-19.
Manastirliu tha se ISHP ka hartuar një udhëzues, që tregon kur mbahet maska dhe ku mbahet maska.
Ajo riktheksoi dhe njëherë se maska duhet gjithmonë me vete dhe do të mbahet në çdo ambient të hapur.
Ku lejohet mosmbajtja e maskës sipas Manastirliut, ministrja dha dy shembuj
‘Maska të mbahet kur je në rrugë, përveç rasteve kur bën vrap. Maska është detyrim në çdo ambient,ndërsa në bar kafe nuk mbahet maska vetëm gjatë kohës që konsumon pijen apo ushqimin.’-tha Manastirliu.
Ministrja e Shëndetësisë u kundërshtua nga drejtuesi i emisionit, Blendi Fevziu. Ky i fundit i quajti të pa kuptueshme këto argumente për mbajtjen e maskave.
Sa i përket vendimit për mbajtjen e maskës me detyrim në çdo ambient, ajo tha se kjo vjen si pasojë e shumëfishimit të studimeve për rezultatet e maskave si parandalues për Covid-19.
