Regjizori Robert Budina shpjegoi në emisionin “Open” arsyet pse u angazhua në politikë.
Budina tha se vendosa për shumë arsye, nuk kam pas afrim apo joshje nga kryesia e PD.
“Njerëzit që na kanë mbështetur ne te Teatri kanë qenë mbështetës të opozitës, kanë qenë njerëzit që më kanë propozuar. Duhet ta respektoja kërkesën e tyre. Kam pasur mundësi 30 vjet të përfshihesha në politikë, por nuk e kam bërë se kam menduar të vazhdoja profesionin. Unë dua ta orientoj drejt një zgjidhje problemin.ajo e teatrit ishte një kauzë që përfaqësoi shumë njerëz, dhe pavarësisht bindjeve të mia që janë totalisht të djathta. Ne me PD u gjendëm njeri-tjetrit me shumë fisnikëri, në momente të vështira”, tha Budina.
I pyetur lidhur me një deklaratë të bërë prej tij se s´ka lidhje me PD, Budina theksoi se në 7 shkurt 2018 bëmë një protestë se Ministria e Kulturës donte që ligjin për kinemanë donte ta centralizonte.
“Ne e filluam aty historinë e përballjes. Para se të kandidoja unë sot i dhamë qeverisë të reflektonte dhe të bëntë çdo gjë në përputhje me ligjin, deri në momentin që erdhi në mes të natës me policë dhe hyri në teatër. Mënyra se si u soll qeveria më bëri të futesha në politikë, që të mund ta zgjidh ndryshe këtë çështje, se mund të isha integruar edhe para 30 viteve në politikë”, tha regjizori i njohur.
