Një modele braziliane, që dikur pozonte në kopertinat e Elle, Grazia dhe Glamor është gjetur e vetme në rrugë, në një lagje të varfër të Rios, vetëm një vit pasi u zhduk nga New York.
Jeta e modeles 26-vjeçare, Elosia Fontes ka marrë një kthesë të paparashikueshme. Më 6-të tetor të këtij viti ajo u gjet duke u endur rrugëve të Rio de Janerio-s. Ndoshta stresi i pasarelave dhe konfliktet e vazhdueshme me bashkëshortin e saj Andre Birlenu, bënë që modelja të arrinte deri në këtë gjendje.
Një episod i ngjashëm kishte ndodhur dhe në fillim të vitit 2019, ku modelja u zhduk për pesë ditë nga shtëpia dhe policia arriti ta gjente në një lagje jo shumë larg vendbanimit të saj. Po në atë periudhë, bashkëshorti i saj kërkoi ndarjen duke fituar kujdestarinë e vajzës së tyre 7-vjeçare.
Ndarja la pasoja të rënda tek modelja, e cila zgjodhi të braktiste punën dhe të zhdukej në fund të vitit 2019.
Kur u gjet nga policia më 6 tetor, ajo ishte në një gjendje të mjerueshme, e veshur me një këmishë të pisët dhe zbathur, shkruajnë mediat e huaja.
