Koronavirusi në vendin tonë/ 5 viktima në 24 orët e fundit, 244 të shtruar në spitale

Pesë qytetarë nuk e kanë fituar betejën me koronavirusin në 24 orët e fundit në vendin tonë.

Mësohet se bëhet fjalë për një 64-vjeçar nga Elbasani, një 66-vjeçare nga Kurbini, një 73-vjeçare nga Korça, një 81-vjeçar nga Shijaku dhe një 75-vjeçar nga Tirana.

Aktualisht, në spitalin ‘Infektiv’ dhe ‘Shefqet Ndroqi’, po marrin trajtim mjekësor, 244 qytetarë të prekur nga koronavirusi, 13 prej tyre në terapi intensive, ndërsa 4 prej tyre të intubuar.

Në 24 orët e fundit në vendin tonë janë regjistruar 182 raste të reja me koronavirus nga 1055 testime të kryera.

Njoftimi nga Ministria e Shëndetësisë

1055 testme të kryera në 24 orë- Janë kryer 1055 testime në 24 orët e fundit, nga të cilët kanë rezultuar pozitivë 182 qytetarë të prekur nga virusi SARS-COV2.

90 të shëruar- Janë shëruar 90 qytetarë, duke e çuar në 9675 numrin e të shëruarve në vend që prej fillimit të epidemisë.

Harta e të prekurve – 61 raste në Tiranë, 19 në Shkodër, 12 në Korçë, 9 në Lushnje,
nga 7 raste në Fier, Berat, nga 6 raste në Durrës, Elbasan, Pogradec, nga 5 raste në Lezhë, Mallakastër, Gjirokastër, Prrenjas, nga 4 raste në Tropojë, Kuçovë, nga 3 raste në Sarandë, Dibër, nga 2 raste në Kukës, Kavajë, Vlorë, Rrogozhinë, Librazhd, nga 1 rast në Krujë, Fushë-Arrëz, Roskovec, Bulqizë, Skrapar.

244 të shtruar në spitale- Aktualisht në spitalin Infektiv dhe “Shefqet Ndroqi” po trajtohen 244 pacientë, 13 në terapi intensive nga të cilët 4 pacientë janë të intubuar.

5 viktima- Në 24 orët e fundit, me gjithë përpjekjet e mjekëve, fatkeqësisht e kanë humbur betejën me COVID19, një 64 vjeçar nga Elbasani, një 66 vjeçare nga Kurbini, një 73 vjeçare nga Korça, një 81 vjeçar nga Shijaku dhe një 75 vjeçar nga Tirana.

COVID-19 – Statistika (13 Tetor 2020)
Raste të reja ditore ​​182
Të shëruar ne 24 orë​​ 90
Humbje jete në 24 orë​​5
Testime ditore​​​1055

Testime totale ​​100,953
Raste pozitive ​​15752
Raste të shëruara ​9675
Raste Aktive ​​ 5648
Humbje jete ​​ 429

Shpërndarja gjeografike e rasteve aktive sipas qarqeve:
Tiranë​ 2869
Durrës 590
Shkodër 426
Korçë ​304
Fier ​ 284
Lezhë 276
Elbasan 238
Vlorë ​203
Kukës 159
Berat ​ 153
Dibër​ 80
Gjirokastër 66