Një person i shpallur në kërkim për tentativë vrasje është arrestuar nga policia e kryeqytetit.
Bëhet fjalë për një 32 -vjeçar, i cili akuzohet për veprat penale “Vrasja me paramendim” e mbetur në tentativë, e kryer në bashkëpunim, “Armëmbajtja pa leje”, “Shtrëngimi në anë të kanosjes apo dhunës për dhënien e pasurisë” dhe “Prishja e rendit dhe qetësisë publike”.
Sipas policisë, ai u vu në pranga në rrugën “Mustafa Aranitasi”, në orët e para të mëngjesit të sotëm. Për F. Sh., 32 vjeç, Gjykata e Rrethit Gjyqësor Dibër ka caktuar masën e sigurisë “Arrest në burg”, për veprat penale “Vrasja me paramendim” e mbetur në tentativë, e kryer në bashkëpunim, “Armëmbajtja pa leje”, “Shtrëngimi me anë të kanosjes apo dhunës për dhënie pasurie” dhe “Prishja e rendit dhe qetësisë publike”.
Ky shtetas, më datë 19.06.2020, në vendin e quajtur “Busti i Skënderbeut”, në Fushë Bulqizë, ka qëlluar me armë zjarri në ajër, duke kanosur shtetasin G. B., për t’i marrë një shumë parash nëpërmjet shtrëngimit.
Veprimet e mëtejshme do të kryhen nga Drejtoria Vendore e Policisë Dibër.
