Nënkryetari i LSI, Petrit Vasili, ka reaguar ndaj deklaratave të kryeministrit Edi Rama rreth dekorimeve nga ana e Presidentit Ilir Meta.
Vasili shprehet se për Presidentin Ilir Meta dëshmorët janë krenari, ndërsa për kryeministrin Edi Rama janë gjak i rremë.
Zyrtari i LSI e konsideron Ramën një atdheshitës, i cili ka një urrejtje histerike dhe të egër ndaj 28 mijë dëshmorëve të atdheut, duke i quajtur ‘gjak i rremë’.
“Veneracioni patriotik atdhetar i Metës për deshmorët e atdheut ka nxjerrë në pah më qartë se kurrë urrejtjen e vjetër histerike dhe të egër të Edi Ramës për dëshmorët!
Dëshmoret e atdheut janë pa asnjë dyshim një pasqyrë e pamëshirshme për portretin e pisët, pa moral, antiatdhe dhe pa parime të Edi Ramës.
Prandaj per Edi Ramen gjaku i 28 mijë dëshmoreve ka qene “gjak i rreme” dhe nuk ka qenë për të as shembull vetmohimi e sakrifice sublime dhe as model frymëzimi i përjetshëm.
Edi Rama në 1992 në Librin Refleksione pacipësisht shkruan për dëshmorët :
“U ulëm të zbërthenim mitologjinë e 28 mijë dëshmorëve.
Gjaku i rremë në themel të kolltuqeve nisi tërmetin“.
Ndaj shqetësohet dhe renegati pa atdhe Edi Rama, nga patrioti atdhetar Ilir Meta, që i vlerëson shumë lart dëshmoret si krenari kombëtare, si shembull, si pasqyre që nxjerr në shesh atdheshitësit e syfetit Rama”, shkruan Vasili.
