Tirana është duke u përgatitur në pritje të një date për sezonin e ri, ndërsa sulmuesi brazilin, Elton Cale vuan një dëmtim në shpatull çka mund ta mbajë jashtë fushave për shumë kohë, duke rrezikuar sezonin.
Te Tirana janë optimistë se janari do e gjejë lojtarin gati, ndërsa fakt është se braziliani nuk është operuar ende.
Cale u dëmtua në ndeshjet evropiane, derisa edhe më herët kishte shfaqur probleme me shpatullën, kujtojmë ndeshjen e fituar derbi me Partizanin 5-1, me shtatëshkurtërin që doli nga loja dhe më pas u pa me krah të fashuar.
Kampionët e vendit prej javësh tanimë po zhvillojnë stërvitje intensive, teksa dje në stërvitje u bashkua edhe blerja më e re, sulmuesi ganez Richard Danso.
