Kontrolli i produkteve ushqimore të importortit, në Pikat e Inspektimit Kufitar nga Autoriteti Kombëtar i Ushqimit, duket se paraqesin riskun më të madh për konsumatorin.
Teksa flasim për prodhim vendas apo mënyrën e tregtimit, shpesh harrojmë se sa i dobët është kontrolli i sigurisë për produktet ushqimore që importohen në vendin tonë. Përgjegjës për këtë kontroll është pikërisht Autoriteti Kombëtar i Ushqimit, në filtrin e të cilit duhet të kalojë çdo produkt ushqimor. Por, skandali dhe risku është më i madh, atëherë kur me qëllim, lejohet të importohen në vendin tonë, produkte ushqimore që rerefuar legjislacionit në fuqi, nuk duhet të kalojnë kufirin tonë nga vendi i origjinës.
Shkak për këtë material është bërë një problematikë e zbuluar nga Qendra “Alert” dhe Alert.al, për një sasi pijesh freskuese, konkretisht Coca Cola dhe Fanta të importuara nga Turqia, të cilat në momentin e mbërritjes në PIK Kapshticë, iu kishte kaluar afati i lejuar për import në Shqipëri. Madje, sipas verifikimeve të sistemit, dyshohet se në njërin rast, për produktin “Fanta”, dyshohet se inspektori i AKU në PIK Kapshticë ka ndryshuar dhe datën e prodhimit.
Gjithçka nis nga Urdhëri Nr.250, datë 29.07.2011 i Ministrit të Bujqësisë, i cili saktëson në pikëat 2 dhe 3 se, “nëse një produkt ka jetëgjatësi/afat përdorimi deri në 1 vit, lejohet të hyjnë në Shqipëri nëse ka mbetur jo më pak se 1/2 e afatit të jetëgjatësisë”, si dhe “nëse produkti ka më tepër se 1 vit jetëgjatësi, në momentin e hyrjes, duhet të ketë jo më pak se 6 muaj nga afati i përdorimit”.
Por çfarë ndodh realisht? Inspektorët e AKU në PIK Kapshticë, në fund të muajit shtator 2020 dhe në javën e parë të muajit tetor 2020, kanë lejuar dy ngarkesa me disa tonë Coca Cola dhe Fanta të prodhuara në Turqi, të impotuara në vendin tonë nga kompania “Partner Es shpk”. Kjo kompani, e cila është themeluar më 23 korrrik 2020 (Referuar QKB), ka importuar në vendin tonë dy ngarkesa, ku vec produkteve të tjera me pije energjike, ka sjellë dhe pijet e partpërmendura, në fund të muajit shtator dhe fillim të muajit rreth 12 tonë Coca Cola dhe afërsisht 7 tonë fanta, respektivisht në me afatet e përdorimit si vijon: Data e prodhimit për Cola është 15.01.2020 dhe afati i skadencës është 15.01.2021. Për Fanta portokall, data e prodhimit është 07.09.2020 dhe afati i përdorimit të lejuar është 07.02.2021.
Logjikisht e ligjërisht në rregull ngarkesa e Fanta, por e dyshitë, sepse produkte si kjo në fjalë, nuk kanë asnjë herë afate jetëgjatësie 5 muaj, por më e pakta, 1 vit. Kjo ngre dyshime se, si inspektët e AKU në PIK Kapshticë kanë ndryshuar/korigjuar në të dhënat e tyre e dokumentacion datën e prodhimit të produktit “Fanta”. Dy kalimet në Pikën Kufitare të Kapshticës, të dy ngarkesave janë bërë më 20 shtator 2020 dhe 6 tetor 2020. Në të dy rastet, inspektrët e Autoritetit Kombëtar të Ushqimit në PIK Kapshticë kanë shkelur ligjin, urdhërin e ministrit, kanë cënuar sigurinë ushqimore dhe kanë favorizuar një kompani për të futur në territorin e Shqipërisë produkte që duhet të ktheheshin në vendin e origjinës. /Alert.al/
