Prej datës 15 tetor mbajtja e maskës do të jetë e detyrueshme edhe në ambientet e hapura. Vendimi që u publikua nga Kryeministri Edi Rama dhe ministrja e Shëndetësisë, Ogerta Manastirliu, ka shkaktuar debate të shumta. Një pjesë e mjekëve dhe ekspertëve të shëndetit publik e konsiderojnë mbajtjen e maskës në mjedise të hapura si të panevojshme.
Ndërkohë lidhur me vendimin ka reaguar edhe gazetari Enkel Demi, i cili ka ironizuar qeverinë dhe Kryeministrin Rama.
Në studion e “Abc-së së mëngjesit” gazetari tha se ka patur një mbështetje popullore ndaj këtij vendimi, sidomos nga skifterët.
“Ka patur një përshëndetje popullore për këtë vendim dhe nëse ka një vendim që është mbështetje të gjerë janë sidomos skifterët janë të gëzuar për këtë”, tha ai.
Demi tha se Rama është një megalloman që merr vendime pa u bazuar në të dhënat shkencore, por shtoi se vendime të ngjashme janë marrë edhe në disa vende të tjera si në Francë, Britaninë e Madhe, Itali apo Kosovë.
