Mësohen të tjera detaje nga aksidenti tragjik i kësaj mbrëmje në Elbasan, ku humbi jetën një 27-vjeçare.
Burime për mediat, bëjnë me dije se e reja Miranda Dashehana, ishte nën shoqërinë e familjarëve kur ndodhi aksidenti tragjik.
Ajo ka kaluar rrugën e para, duke u përplasur nga mjeti tip ‘Golf’, i cili drejtohej nga Gentjan Askurti. E gjithë skena, ndodhi në sytë e familjarëve të 27-vjeçares.
Aksidenti tragjik ka ndodhur saktësisht në unazën e qytetit. Dyshohet se moti i keq, ka bërë që Askurti të humbë kontrollin e mjetit duke përplasur për vdekje 27-vjeçaren.
Siç shihet dhe në pamjet e siguruara, mjeti tip ‘Volkswagen’ ka pësuar dhe dëmtim në pjesën e xhamit nga krahu i shoferit.
Burime zyrtare nga Policia e Elbasanit, bëjnë me dije se Askurti është shoqëruar në komisariat për veprime të mëtejshme hetimore.
