Presidenti Ilir Meta deklaroi këtë Hënë në një emision televiziv se, me shkeljen e marrëveshjes së 5 Qershorit, atëherë nuk ka hapje negociatash.
Meta tha se do të kthejë për rishqyrtim ndryshimet në Kodin Zgjedhor dhe i bëri apel mazhorancës të reflektojë për të ardhmen e Shqipërisë e ti përmbahet marrëveshjes së 5 Qershorit, arritur në tryezën e Këshillit Politik.
Në studion e emisionit u përmend biseda që Rama pati me kancelaren gjermane Merkel, sipas deklaratve të vetë Ramës.
“Ndonjë bisedë me Zotin ka bërë”, tha Meta.
“Në Europë fjalën e fundit padyshim e ka Gjermania, por fjalën e fundit në Gjermani e ka Bundestagu. Siç vendos në Francë presidenti, atje vendimin e fundit e thotë Bundestagu. Kushti i parë (për hapjen e negociatave) është: prekja e 5 qershorit, s’ka hapje negociatash. Le të thotë ‘fola me Zotin’, le të lobojë sa të dojë se gjithë ai borxh, një pjesë shkon për këtë punë”, tha Meta.
