Dy mësues të tjerë të shkollës së bashkuar “Adem Alushi” në fshatin Krahës, Bashkia Memaliaj, kanë rezultuar pozitiv me Covid-19.
Pas rastit të parë të shënuar të premten ku një mësues rezultoi pozitiv, ditën e sotme ka ardhur përgjigja edhe për dy arsimtarë të tjerë.
Ndonëse deri tani janë tre mësues të izoluar si pasojë e Covid-19, mësimi në këtë shkollë nuk është ndërperë dhe vazhdon normalisht, raporton Oranews.
Ndërkohë, prindërit e shqetësuar kanë filluar që të mos i dërgojnë fëmijët e tyre në shkollë për shkak të frikës dhe pasigurisë që mbizotëron.
Në këtë shkollë ndjekin mësimin rreth 270 nxënës të cikleve 9- vjeçar dhe të mesëm.
