Ish-basketbollisti i Panathinaikos, Nikola Pekovic, është në një situatë të rënduar shëndetësore. 34-vjeçari fatkeqësisht është infektuar me coronavirus dhe tashmë është shtruar në një nga spitalet e Podgoricës.
Sipas raportimit të “telegraf.rs”, Pekovic i cili luajti për 6 vite në NBA me skuadrën e Minnesota, po lufton për jetën pasi që të dy mushkëritë e tij janë në një gjendje jo të mirë. Ish-lojtari shfaqi për herë të parë simptoma të virusit 15 ditë më parë dhe u shtrua menjëherë në spital.
Që nga ajo ditë gjendja e tij shëndetësore vetëm është përkeqësuar dhe për të marrë frymë lirisht i duhet edhe ndihma e respiratorëve.