Pas një periudhe paqëndrueshmërie, moti për fundjavën pritet i qëndrueshëm dhe me diell, parashikon Shërbimi Meteorologjik Ushtarak.
Dita e Shtunë parashikohet me mot të kthjellët në të gjithë territorin përjashtuar vranësirat e pakta kalimtare në relievet malore. Edhe për ditën e Diel moti parashikohet kryesisht i kthjellët, por përgjatë ditës nuk do të mungojnë vranësirat kalimtare.
Dita e Shtunë parashikohet me erë e cila do të fryjë e lehtë, ndërsa ditën Diel rikthehet përsëri era relativisht intensive me drejtim nga kuadrati i jugut.
