Kryeministri Edi Rama ka vijuar replikat me presidentin Ilir Meta lidhur me akuzat për dekoratat pa kriter të shpërndara nga presidenca. Rama i kërkon kreut të shtetit të mos e mërzisë Zëdhënësen e qeverisë Elisa Spiropali pasi të dekorojë Skëndërbeun.
Rama vijon më tej duke ironizuar se presidenti nuk ka më kujt t’i dorëzojë medalje, sepse sipas tij “Lulit i takon ajo e Hamzait, Saliu e ka hallall atë të Ballabanit dhe Monës i bie medalja e e Teutës së Ilirisë që bie me të kushërirë nga burri ilir”.
“Ilir mos e mërzit Elisën se kur të dekorosh Skënderbeun në kulmin e luftës për liri s’ke kujt tjetër t’ia dorëzosh medaljen, se Lulit i takon ajo e Hamzait, Saliu e ka hallall atë të Ballabanit dhe Monës i bie medalja e e Teutës së Ilirisë që bie me të kushërirë nga burri ilir!”, shkruan Rama.
LEXO EDHE:
‘O palaço pa atdhe’/ Meta shpërthen ndaj Ramës: Nuk e bëj për vota o shakaxhinj të integrimit
