Presidenti i Republikës Ilir Meta, ka replikuar sërish me kryeministrin e vendit Edi Rama, duke theksuar se patriotizimi i tij nuk lidhet me votat.
Me anë të një statusi në Facebook, Meta e konsideron Ramën palaço pa atdhe, ndërsa tregon se dashurinë e tij për Shqipërinë nuk e tregon për vota por sepse vjen nga një familje patriotike.
Ja postimi i Metës:
O shakaxhinjtë e integrimit!
Unë nuk bëj aktrime me historinë e kombit tim dhe familjes time!
As politikë për vota o palaço dhe të pa Atdhe!
Unë kam lindur në Çepan, 1000 metra mbi nivelin e detit dhe u jam shumë mirënjohës prindërve të mi.
O ordinerë, shtëpia ku linda unë në 24 mars 1969 ishte spital partizan për Jugun e Shqipërisë. Në këtë shtëpi erdhën dhjetëra partizanë, pa këmbë e pa krahë. Në themelet e kësaj shtëpie edhe sot është gjaku i tyre.
Unë isha ndër udhëheqësit e Lëvizjes Studentore, por kurrë nuk e vura në diskutim gjakun e tyre.
Se gjaku nuk bëhet ujë o hajdutë ordinerë!
Jam Ilir Meta dhe përballë do më keni gjithmonë! 🇦🇱
