Ish-trajneri i Milanit dhe Juventusit, Massimiliano Allegri, është shumë pranë rikthimit në pankinë. Sipas raportimit të “Radio Radio”, italiani është tekniku favorit për të marrë drejtimin e Romës.
Madje sipas radios Allegri ka patur një takim me drejtuesit e klubit romak këtë javë, ku kanë diskutuar rreth së ardhmes. Aktualisht në stolin e verdhekuqve është Paulo Fonseca, por gjërat nuk po shkojnë mirë për të.
Në rast të një shkarkimi të mundshëm të tij, “The Friedkin Group” nuk do të mendohen dy herë për Allegrin. Kujtojmë që ish-tekniku i Juventusit qëndroi një vit pushim dhe tashmë ai është gati për tu rikthyer dhe një herë në Serie A.
