Në total, 11 493 raste të reja janë regjistruar si dhe 191 të vdekur, një shifër shumë pranë rekordit prej 11 656 raste të regjistruara më 11 maj, kur një kufizim strikt u vendor në vend.
Në një muaj, numri ditor i kontaminimeve të reja është dyfishuar.
Zyrtarisht, 3 323 raste të reja janë regjistruar në Moskë, qyteti më i prekur në Rusi dhe 461 në Shën Petërburg, qyteti i dytë më i madh në vend.
Të enjten, partriarku Kirill, kreu i Kishës Ortodokse ruse, njoftoi se ishte izoluar pasi kishte qenë në kontakt me një person të testuar pozitiv me COVID-19.
Një ditë më parë, shefja e agjencisë shëndetësore ruse, Anna Popova, pranoi se situata epidemiologjike po bëhej më komplekse.
“Ne ishim përgatitur për të. Ne kemi një rritje në 60 rajone. Në 20 rajone të tjera, situata është e qëndrueshme, madje në rënie atje ku zbatohen masat mbrojtëse”, theksoi ajo.
Nga ana e tij, Presidenti Vladimir Putin tha të martën se rreth 50 persona mes të afërmve të tij ishin vaksinuar kundër koronavirusit, duke lavdëruar edhe një herë vaksinën që Rusia thotë se ka shpikur.
/ata/
