Komisioneri i BE-së Oliver Varhelyi, tha sot në një konferencë me Ramën nga godina e Kryeministrisë, se reforma zgjedhore duhet të jetë e besueshme, dhe ky do të jetë testi për Shqipërinë.
Sipas Varhelyit, reforma zgjedhore që u votua në Kuvend, është e rëndësishme të mos ndalojë koalicionet paszgjedhore.
Ndër të tjera ai ka theksuar se është i rëndësishëm respektimi i marrëveshjes së 5 qershorit dhe të gjithë partitë politike të marrin pjesë në zgjedhje.
“Ne na duhet reformë e besueshme e zgjedhore për të patur zgjedhje të lira. Ky është testi i vërtetë për Shqipërinë.
Për momentin po analizojmë reformën që ka miratuar Kuvendi. Duke u bazuar tek debati që është bërë gjatë gjithë procesit, duket që ka të bëjë me një çështje në thelb.
Për aq kohë sa koalicionet paszgjedhore nuk parandalohen, pra nuk bëhet më të vështira, atëherë ne mund ta shikojmë atë ligj me një mendje të hapur. Nuk mund të kufizojmë të drejtat e të zgjedhurve, për të formuar koalicionet qoftë më parë apo pas zgjedhjeve.
Për reformat e datës 5 Qershor, mendoj se ato ishin shumë të rëndësishme” – u shpreh Varhelyi.
LEXO EDHE:
‘Gjykata Kushtetuese në ngërç’/ Varhelyi: Shqipëria ka ende sfida për çeljen e negociatave
