Flogert Vogli mbeti i plagosur nga aksidenti i rëndë që ndodhi mëngjesin e sotëm në aksin rrugor Fushë Krujë-Kurbin, ku ndërroi jetë pasagjeri 26 vjeçar. Vogli, i cili ishte drejtues i mjetit, mësohet se dha një emër të rremë në spital, ndërkohë që gjendja e tij shëndetësore është e rëndë dhe po trajtohet në spitalin e Traumës.
Mësohet se mjeti tip “Audi”, ka humbur kontrollin në Borizanë, duke u përplásur me bordurën anësore të rrugës, për shkak të shpejtësisë me të cilën ishte duke udhëtuar.
Ndërkohë që burime nga grupi hetimor bëjnë me dije se mjeti me të cilin udhëtonin dy të rinjtë, rezulton që të jetë vjedhur disa ditë më parë në Laç. Nga kontrolli që ka bërë policia në mjetin që ka përfunduar i shkatërruar në anë të rrugës ka gjetur targa, maska dhe disa doza me drogë. /Faxweb/
