Klodian Duro ka pranuar ofertën e Feronikelit dhe do të nisë një eksperiencë të re si trajner në Kosovë.
Pas një periudhe pushimi, ish-mesfushori i kombëtares rikthehet në stol dhe me klubin nga Drenasi ka nënshkruar një marrëveshje 2-vjeçare.
Njoftimi i FC Feronikeli:
– “FC Feronikeli ka caktuar nga sot (e martë) Klodian Duro, si kryetrajner të ri të klubit. Duro vjen si pasardhës i Afrim Tovërlanit, duke nënshkruar për dy vitet e ardhshme me FC Feronikelin.
Klodian Duro, ish-futbollist i Kombëtares Kuq e Zi, duke fituar si futbollist, 4 herë Kampionatin e Shqipërisë, 3 herë Kupën dhe Supërkupën shqiptare dhe 1 herë Kupën Qipriote.
Profesionin e trajnerit e filloi menjëherë pas pensionimit nga futbolli aktiv, duke marrë drejtimin e Kukësit, klub me të cilin arriti ta fitonte Kupën e Shqipërisë në sezonin e tij të parë. Duro ka drejtuar edhe skuadrat si Kamza e Luftëtari, e nga sot merr drejtimin e Feronikelit.
Skuadra momentalisht gjendet në pushim pas pauzës së rezervuar për kombëtare, ndërsa trajneri i ri do të takohet me futbollistët gjatë ditës së nesërme. Si futbollist, me Kombëtaren Kuq e Zi, ka zhvilluar gjithsej 78 ndeshje, duke realizuar 6 gola”, njofton Feronikel.
https://www.facebook.com/fcferonikeliofficial/posts/1431246317067104
